luns, 26 de febreiro de 2024

 Celebración do "Día de Rosalía de Castro no IES de Becerreá"


Exposición dos traballos realizados polo alumnado de 3º ESO de EPV e 4º ESO de expresión artística.


Somos dos poucos pobos do mundo que temos unha muller referente, porque temos a Rosalía de Castro. O 23 de febreiro conmemórase o Día de Rosalía, coincidindo coa data na que naceu no ano 1837; con flores e poemas dela celebramos o seu día, que é o que merecemos os galegos e galegas que falamos no idioma no que compuxo os poemas máis bonitos do mundo. Por iso, o Equipo de Dinamización da Lingua e o departamento de Lingua Galega do IES de Becerreá, agasallaron a todo o centro cun caravel e un libro editado e deseñado polo Departamento de Plástica, con orixinais portadas creadas polo alumnado.

O acto de celebración consistiu nun recitado con fondos de piano que interpretou o alumnado de música de 4º da ESO, no que se puxo de manifesto o afortunados  que somos de ter a Rosalía de Castro.

    PREME PARA VER O VÍDEO DO ACTO













martes, 20 de febreiro de 2024

 DÍA DA NENA NA CIENCIA

Dende o ano 2016, o 11 de febreiro celébrase o Día internacional da Muller e a Nena na Ciencia, unha data establecida pola Asamblea Xeral das Nacións Unidas para promover a participación plena e equitativa das mulleres e as nenas na ciencia


Exposición de infografías realizada polo alumnado de 2º,4º da ESO e 2º de BAC.

  


Durante séculos moitas mulleres científicas foron privadas de estudos, discriminadas, invisibilizadas e, incluso, sufriron a negación das súas aportacións e descubrimentos, dándolle a autoría dos mesmos aos seus compañeiros de investigación, ou a outros científicos homes que fixeron o mesmo descubrimento tempo despois.

    Con motivo desta data o alumnado da ESO e BAC realizou infografías de científicas que deixaron unha grande pegada na ciencia, cada grupo en relación coa materia do primeiro trimestre e en colaboración cos departamentos de Ciencias Naturais e Física e Química. Así o alumnado de segundo de BAC realizouna sobre coñecidas bioquímicas, o alumnado de segundo de ESO sobre físicas importantes e por último, o de cuarto de ESO sobre grandes xeólogas.

Así mesmo, desexamos que as alumnas esperten co seu exemplo de perseveranza, os seus descubrimentos e aportacións, a vocación científica de todas esas mulleres, adolescentes e nenas ás que, ata o de agora, se lles fixo pensar que a ciencia era cousa de homes. Porque o talento non ten xénero e a ciencia e a igualdade son vitais para conseguir o avance da sociedade dunha maneira sostible, consciente e democrática.


PARABÉNS POLO TRABALLO REALIZADO, E POLA CONCIENCIACIÓN COA CAUSA

luns, 12 de febreiro de 2024

 ENTROIDO 2024 IES DE BECERREÁ

O Departamento de Latín e Grego, e o EDL do centro realizaron un estudo das similitudes entre  as Lupercais romanas e ao Entroido Galego


Exposición Entroido 2024 Departamento de Latín, Grego e EDL.


  As 'Lupercalia' eran unhas festas que se celebaban o 15 de febreiro na Antiga Roma en honor a Luperco (divindade protectora dos rebaños). Reciben ese nome porque se facían nunha caverna do monte Palatino, onde, segundo a lenda, a loba Luperca amamantou a Rómulo e Remo (fundadores da cidade). Esta festividade tiña como obxecto promover a fertilidade das mulleres e purificar a sociedade. Estaba oficiada por uns sacerdotes especiais tamén chamados lupercos, dirixidos por un xefe chamado magister.

    As Lupercais contaban cun ritual ben definido: comezaba cun sacrificio dunha cabra ou dun can. A continuación, presentábanse no altar dous rapaces ós que se lles manchaba a fronte da sangue dos animais, e logo debían rir. Mentras tanto, os lupercos arrican a pel dos animais a tiras con forma de látegos e confeccionaban os seus taparrabos á vez que os asistentes entoaban cantos festivos. Logo, comezaba unha carreira pola cidade na que as mulleres se ofrecían a ser azoutadas cos látegos para favorecer a súa fertilidade. Finalmente, procedíase á celebración dun banquete dos sacerdotes coa carne dos animais sacrificados, e cada familia tamén celebraba nas súa casa con abundante comida.

Traballos alumnado latín e grego.

 

  Igual que nas Lupercais romanas, en Galicia os roles sociais están ben establecidos e en cada zona aparecen personaxes pinntorescos con características ben recoñecibles. Así pois, convén ir disfrazado e con ganas de divertirse. Sen disfrace córrese o risco de sufrir algún golpe de fusta, quedar cheo de fariña ou de formigas vivas ou a pagar unha ronda de viños. É a l e i !

  Estas festas teñen carácter propio, sobre todo na actualidade na que perderon significación relixiosa en relación cos ritos agrarios. Foi recuperada e mantida malia que en moitas ocasións se prohibiu polo seu carácter libertario.

  Ó igual que outras festividades, as divindades e festas pagás foron adaptadas ó Cristianismo. Así sucedeu coas Lupercais, que foron adaptadas na Candelaria, celebrada o 2 de febreiro, patrón de Becerreá, e relacionada tamén coa purificación.

  Por outro lado, a palabra 'entroido' deriva do termo latino "introitus", é  dicir,  "comezo",  facendo  referencia  á  entrada  na  primavera.  Este momento coincidía xusto antes da Coresma, momento no que está prohibido o consumo de carne.



  Neste  punto  é  onde  se  relaciona  co  termo  'carnaval',  que  tamén procede do latín "carnem levare", ousexa, "quitar a carne". 

Nun ambiente de festa, a xente disfrazábase para escorrentar ós espíritos malignos que podían estragar as colleitas que estaban por vir.


PREME AQUÍ PARA VER O TRABALLO EN CALAMEO

   Pero o Entroido no IES de Becerreá, forma parte da programación do EDL no empeño de celebrar as festas tradicionais, propias da  identidade cultural de Galiza. O alumnado de 4º da ESO, todos os anos organiza o Entroido con unha semana chea de actividades colectivas para toda a comunidade educativa, e ademais  dinamizan e dirixen o concurso de comparsas, queima do espantallo e degustación de doces feitos polo alumnado. Queremos agradecer o seu traballo e dedicación!

PARABÉNS AO ALUMNADO DE 4º DA ESO POLO SEU TRABALLO


PREME AQUÍ PARA VER O VÍDEO DO NOSO ENTROIDO



AQUÍ PODEDES VER AS COMPARSAS GAÑADORAS, O XURADO E AS PRESENTADORAS.











xoves, 1 de febreiro de 2024

Charla no IES de Becerreá sobre nomes de lugar e identidade galega



O alumnado de Latín e Grego do IES de Becerreá asistiu o venres 1 de febreiro a unha charla divulgativa sobre "Nomes de lugar e identidade galega" impartida no centro, ata onde se desprazou o profesor da Universidade da Coruña, Xosé Manuel Sánchez Rei. Os estudantes descubriron que a toponimia é capaz de transmitir abraiante información sobre a cultura e a historia doutros tempos e que constitúe unha valiosa ferramenta para sabermos máis de nós mesmos como pobo. Ademais, decatáronse da innegable relación entre o latín e os nomes de lugar de Galicia e da súa propia contorna.




martes, 30 de xaneiro de 2024

RECITADO POÉTICO DO ALUMNADO DE 3º DA ESO  DE LINGUA GALEGA, PARA CONMEMORAR O DÍA DA PAZ 

“Non hai camiño para a paz: a paz é o camiño"





O 30 de xaneiro celébrase este día, dedicado a conmemorar nos centros educativos unha cultura de non violencia e paz. A educación en e para a tolerancia, a solidariedade, a concordia, o respecto aos Dereitos Humanos, a non violencia e a paz son motivos para lembrar o 30 de xaneiro.


No Día da Paz, os centros educativos comprométense como defensores da Paz e entendemento entre persoas de distinta procedencia e modos de pensar. Nese día celébrase o aniversario da morte do Gandhi, líder pacifista que defendeu e promoveu a non violencia e a resistencia pacífica fronte á inxustiza. Foi asasinado por defender estas ideas. O Día da Paz, pola súa temática xeral de non violencia, resolución de conflitos e convivencia, ocupa un lugar fundamental na educación de todos e todas.

Desde fai catro anos o departamento de lingua galega inspirado pola lírica trobadoresca medieval, na que a nosa lingua viviu unha etapa de esplendor, colabora coa celebración do Día da Paz cun recitado literario.

O alumnado ten que escribir cantigas, aínda que a temática non é o lamento pola ausencia do amado, a alegría polo reencontro, ou a paixón, senón a PAZ.

As cantigas compostas polo alumnado de 3º da ESO seguen tanto os recursos formais das mesmas, tales coma o paralelismo, leixaprén ou o refrán, como a temática pacifista.

Todo o alumnado de 3º da ESO participou no concurso de cantigas organizado polo centro, no que resultaron premiados/as: Lucía Freijo, cristina Fernández e David González.

        PREME AQUÍ PARA VER O VÍDEO











luns, 8 de xaneiro de 2024

 NADAL 2024


O EDL do IES de Becerreá desexa un BO NABAL a toda a comunidade educativa



 



  O alumnado do EDL, que se inspirou na tradición galega, levou a cabo a decoración do vestíbulo do centro. 

PREME NO VÍDEO PARA VER COMO FORON AS CELEBRACIÓNS DESTE ANO




NON MÁIS VIOLENCIA CONTRA AS MULLERES








EXPOSICIÓN 2024 NON MÁIS VIOLENCIA CONTRA  AS MULLERES




           Durante a semana do 25-N celebramos no noso centro unha exposición de fotografías realizadas por alumnas con mensaxes alusivas a esta realidade.  Tamén se desenvolveu un obradoiro, orientado a alumnas e alumnos de 2º e 4º, centrado sobre o tema da violencia de xénero en contornas virtuais. Noutra charla, realizada dentro do Plan Director para a Convivencia e desenvolta polo formador da Garda Civil Héctor Méndez, para o alumnado de 3º da ESO, abordáronse as causas da mesma, as variantes que esta violencia presenta e os datos estatísticos máis reveladores deste tráxico fenómeno.