luns, 25 de novembro de 2019

TODOS E TODAS  EN CONTRA DA VIOLENCIA MACHISTA


NO IES DE BECERREÁ MOSTRAMOS O REXEITAMENO AO MALTRATO ÁS MULLERES CON DIVERSAS ACTIVIDADES DENTRO E FÓRA DO CENTRO



Mostramos o noso apoio e solidariedade cás mulleres que sexan vítimas de violencia de xénero. Participando en promovendo todo tipo de acticidades, para erradicar as estruturas sociais e as mentalidades que perpetúan unha discriminación das mulleres na sociedade, traballando activamente pola igualdade, Perante toda a sociedade, especialmente un día como hoxe ademáis de  todos os días do ano.



Exoisición realizada no Vestíbulo do IES de Becerreá.



O comenzo dos actos tiveron lugar pola mañá  na Casa da Cultura do Concello, donde o alumnado do Colexio de Becerreá, o grupo musical Son de Cores e o propio alumnado o IES  se uniron para o mesmo fin; o rexeitamento da violencia machista. A lectura do Manifesto en contra da violencia contra as mulleres foi interpretado e acompañado ao piano polo alumnado do noso centro. O peche do acto correu a cargo do IES de Becerreá, coa representación da obra "Meigas ou Bruxas ", esta representaxión é orixinal do IES de Becerreá, e nela faise referncia a que a violencia machista non é cousa de agora, senon de séculos, facendo unha viave pola historia e personificando a mulleres que foron torturadas, asasinadas e acusadas, de bruxería en Galicia  dende o século XV ata o XVII.

Pola tarde todo o alumnado do IES de Becerreá maila todo o profesorado, acudiron á lectura do manifesto no noso instituto. O acto rematou coa interpretación musical a cargo de alumnado e tamén do  profesorado da canción de Amaral "Saír correndo", que foi interpretada na nosa lingua (ver vídeo na parte inferior).



Vídeo do EDL do IES de Becerreá que introduce á representación "Meigas ou Bruxas"

Presentación de Yolanda.
Lectura do Manifesto.

Interpretación musical "Saír correndo"





A violencia contra as mulleres é unha das máis degradantes violacións dos Dereitos Humanos e continúa progresando no ámbito global. Non respecta fronteiras, culturas, niveis económicos. Está presente en épocas de conflito e en tempos de paz, no fogar, no traballo e na rúa.






VÍDEO DO ACTO COMPLETO NO IES DE BECERREÁ

 
VÍDEO DA REPRESENTACIÓN DESENVOLTA NA CASA DA CULTURA


domingo, 24 de novembro de 2019

EXPOSICIÓN E CHARLA NO CENTRO DOS NOVE ANOS DE ANTÓN FRAGUAS EN LUGO

A exposición ocupou  o vestíbulo do centro dende o 11 ao 15 de novembro. Foi presentada por  Xulio Xiz, que amosou ao alumnado "Os nove anos de Fraguas en Lugo" 



Xulio Xiz  no vestíbulo do centro.
 Xulio Xiz é xornalista, guionista, escritor e produtor. Cofundou e dirixiu con Carlos Rodríguez Arias a produtora e editorial Ophiusa (1986), Televisión Lugo (TVL, 1994) e o portal de Internet Galicia Dixital.











Antón Bao Abelleira e Xulio Xiz na charla de Fraguas.

   Convidado polo profesor de Lingua Galega Antón Bao Abelleira, tivemos a sorte de contar coa presenza de Xulio Xiz, exalumno e  amigo de Fraguas, que nos relatou a súas lembranzas  sobre a pegada que o Mestre deixou na cidade das murallas, e en todos os que tiveron a sorte de telo como profesor e amigo. 

 Co motivo de ter sido o 2019 o ano de Fraguas  naceu esta exposición da man do profesor Manuel Regueiro Tenrreiro, o historiador Antonio Prado Gómez e os antigos alumnos do vello profesor Paco Martín Parga e Xulio Xiz. Dezaoito alumnos e amigos de don Antonio tamén participaron neste marabilloso traballo que o alumnado de 4º e 3º da ESO tiveron a oportunidade de coñecer  da man de Xulio, que nos achegou a un   Fraguas dende o lado máis cercano e entrañable. 
 Os nove anos lucenses  de Fraguas deixaron  abundantes froitos culturais e sociais, que cristalizaron en conferencias e artigos que fixeron medrar o seu prestixio intelectual, e contribuiron a conformar unha visión global dun home da cultura de Galicia, por non falar da labor didáctica desenvolta polo Mestre que supuxo o cariño e o recoñecemento da sociedade lucense, e das máis importantes institucións galegas polo seu traballo a prol da cultura e lingua galegas.

Exposición no vestíbulo do centro.

Añadir leyenda


   Os folletos e libros realizados polos autores desta exposición, estiveron á  disposición do alumnado e profesorado, mentras durou esta actividade.


xoves, 21 de novembro de 2019

O ALUMNADO DE 4º DA  ESO E 1º DE BAC ACODE AOS CINES CODEX PARA VER A PELÍCILA DE ÓLIVER LAXE "O QUE ARDE"

Na mañá do 21 de novembro o alumnado  do centro desprazouse a Lugo para poder ver a película de Oliver Laxe "O que arde". Rodada nos Ancares, e mesmo a segunda escea no propio IES de Becerreá, o máis importante  é que está   relatada EN GALEGO


Alumnado asistente no  vestíbulo do Cine Codex.


Os rapaces e rapazas maila os seus profesores; Antón Bao e Ramón Gutierrez, expresaron que a película lles encantara, e que non había agradecemento suficiente para Oliver polo que fixo pola nosa lingua.

Oliver Laxe viu con normalidade o que para outros resulta estraño, sorprendente, case unha heroicidade: levar ao prestixioso festival de cine de Cannes unha película en galego. Para el, relatar en galego a súa película na que está tan presente o ser do Anacres, creo que forma parte da máis absoluta normalidade. Non podía ser doutro xeito. 
Cando a pelícila se estrenou en Cannes, por primeira vez na historia, o público, o xurado especializado, o mundo do cine, escoitou na nosa lingua unha historia cinematográfica que premiaron, que eloxiaron os especialistas e os que non o son, hoxe mesmo acaba de ser seleccionada para os Premios do Cine Europeo. Queda demostrado, unha vez máis, que a nosa lingua produce arte, arte exquisita.  Non hai agradecemento suficiente para Oliver polo que fixo pola nosa lingua. 
A todo isto hai que engadir que o noso centro tamén aparece na película. Iso si, convertido en xulgado onde se realizan certos trámites xudiciais relacionados co protagonista. De feito Fernando, o director, coma Margarita, a conserxe e algún alumno colaboraron durante os dous días que durou a rodaxe no Instituto.
Pero non remata aí, tamén Ramón Gutierrez, profesor de relixión e acompañante do alumnado tamén forma parte activa no filme, como o exalumno, Álvaro.

A película relata a historia de Amador, un coñecido pirómano galego que foi acusado de causar un novo incendio.Lois, un novo bombeiro, explora as profundidades dun bosque en chamas. Os seus destinos están vinculados polo poder dun misterioso lume.








Alumnado na sala do Cine Codex.

ANIMAMOS A TODO O MUNDO A VER ESTA MARABILLOSA PELÍCULA NA NOSA LINGUA, E MOITAS GRAZAS A OLIVER POR MELLORAR A NOSA AUTOESTIMA, POR FACERNOS SENTIR MÁIS FACHENDOSOS DE NÓS MESMOS.

sábado, 16 de novembro de 2019

MAGOSTO 2019

O PASADO 13 DE NOVEMBRO CELEBRAMOS O MAGOSTO NO IES DE BECERREÁ



No patio do centro, tivo lugar a  festa anual do Magosto 2019,  na que participou todo o alumnado da ESO e o profesorado. Organizada polo alumnado de 4º, como vén sendo tradición, os xogos  populares, a música e  as castañas fixeron a tarde máis curta do esperado. 


 




CHARLA SOBRE O EMPRENDEMENTO NOS ANCARES


Na tarde do pasado luns, 4 de novembro, celebrouse no IES de Becerreá unhas “charlas sobre experiencias de vida e emprendemento na comarca dos Ancares”, asistiron ó mesmo algúns alumnos de 4º da ESO, 1º e 2º de bacharelato.


Fe Álvarez.

Fe Álvarez, Xerente  do GDR AsociaciónMontes e Vales Orientais do  PLAN LEADER 
na comarca dos Ancares (programa de desenvolvemento rural, que consta dunha serie de axudas enfocadas ao medio rural que intentan dar resposta ao abandono das zonas agrícolas en Europa), introduciu a charla, facendo unha descripción deste programa europeo animando ao alumnado a "quedar ,crear e emprender" na nosa comarca. Segundo Fe temos un gran potencial que compre desenrrolar, facendo fincapé na idea de que hai futuro nos Ancares.



Carmen Sánchez.ñ
A primeira intervención correu a cargo de Carmen Sánchez sobre o Plan LEADER (programa de desenvolvemento rural, que consta dunha serie de axudas enfocadas ó medio rural que intentan dar resposta ó abandono de las zonas agrícolas en Europa)
Expuxéronse varios exemplos de proxectos levados a cabo na comarca. Neste caso, como era de esperar, a maioría dos mesmos eran no sector primario (apicultura, viño...) e terciario (relacionados co turismo) en moita menor medida do sector secundario.
Tamén se recalcou que só se podían subvencionar unha pequena parte de todas as ideas que solicitaban as axudas, que soen acadar ata o 50 % do investimento, de tal xeito que era preciso facer unha selección dos mellores proxectos.
Un dos inconvenientes destas axudas é que o emprendedor tarda moito tempo en recibilas dende que se solicita, polo que era preciso contar con capital inicial suficiente.





David López.
A segunda intervención correu a cargo de David López Ramos, enxeñeiro técnico forestal. Resaltou as oportunidades que había no sector primario e concretamente no forestal. A importancia da castaña na zona e como se estaban levando a cabo estudios por parte da Xunta para catalogar as distintas variedades o que no futuro podería xerar a necesidade de viveiros de planta nai.

Como as subvencións da Xunta de ata o 100% do custo, para restaurar o patrimonio (cabazos, pallozas....) crearon a necesidade de: palla de centeo, teitadores, carpinteiros, etc










Lourdes Abuide. 
A terceira participante foi Lourdes Abuide, antiga alumna do instituto e empresaria de Navia de Suarna. Contou como detectou unha necesidade non satisfeita por ninguén a través da festa da Androia da súa Vila. De tal xeito que se animou a crear unha empresa de embutidos, que ten por produto estrela, precisamente este embutido típico da súa zona. Foi un dos poucos exemplos de empresa do sector secundario.
O último dos exemplos foi o de casa Chaín, empresa pertencente ó sector terciario. Adicada a eventos culturais e turismo rural, inspirada noutros proxectos levados a cabo en Francia.
Finalmente na ronda de preguntas, os alumnos amosaron especial interese en obter información sobre a obtención de financiamento para as súas ideas.

martes, 5 de novembro de 2019


SAMAÍN 2019


O 30 de outubro celebramos o Samaín con dúas representacións interpretadas polo alumnado do centro





Coa gran implicación dos Departamentos Didácticos de Lingua Galega, Música, Língua Extranxeira (Inglés), Tecnoloxía, Educación Física, a Titoría de 4º da ESO e alumnado pertencente ao EDL do centro, leváronse a cabo dúas pequenas representacións que encheron a tarde de maxia e diversión.

O alumnado de 4º da ESO interpretou un relato de Ánxel Fole pertencente á primeira obra narrativa do escritor lucense chamada "Á LUS DO CANDIL". O divertido relato, titulado “Os defuntos falaban castelán”, está ambientado nunha cantina e nun camposanto que mesmo podería ser o Camposanto de Becerreá. As risas dos asistentes foron a tónica e o agasallo para os actores e actrices, que fixeron pasar a tod@s os asistentes un divertido rato.

"Bruxas ou Meigas" foi a segunda representación da tarde, obra do EDL e do Departamento de Lingua  Galega do IES de Becerreá. Foi interpretada por Elba, Zaira, Ainhoa, e Tamara, alumnas do centro. A obra narraba a vida de catro mulleres acusadas de bruxería en Galicia pola Inquisición:  Ana de Castro, veciña de Armenteira; Lucía Fidalgo, de San Martiño de Danllo, en Lugo; María Soliña, de Cangas do Morrazo e María Rodríguez, de Ponte de Lima. As alumnas metéronse na pel destas mulleres maltratadas, para facer chegar  a súa triste e dura historia a todos os presentes. 


Elba, Zaira, Ainhoa e Tamara .


Ademáis no vestíbulo do centro realizouse unha exposición que reflictía a figura das bruxas, meigas, e personaxes femininos fantásticos en Galicia. O traballo tamén recolle un pequeno estudo sobre a Caza de Bruxas dende a Idade Media.


Exposición:  "Persoaxes  femininos máxicos e Caza de Bruxas"


O vídeo das dúas representacións.






domingo, 16 de xuño de 2019


Oliver Laxe premiado na VI Edición do Premio á Lingua e Cultura Galega na comarca dos Ancares do IES de Becerreá


Oliver Laxe recollendo "A Rebola", premio da VI Edición á Lingua e Cultura Galega na comarca dos Ancares.

O cineasta parisino de orixe galego, foi galardoado pola súa significativa aportación á normalización da nosa lingua


O 14 de xuño , tivo lugar no IES de Becerreá a entrega da “VI Edición do Premio á Lingua e Cultura Galega na comarca dos Ancares”. Outorgado a Oliver Laxe pola súa labor á promoción do galego, grazas á súa película “O que Arde” rodada nos Ancares, en galego.
Esta edición resulta especial por ter moito de mediática, sendo isto para o galego un feito importante. A proxección internacional da nosa lingua grazas á rodaxe en galego desta película, supón asentala coma lingua universal. Para o Equipo de Dinamización Lingüística, o compromiso pola lingua e a cultura na nosa comarca, é unha obriga para todo o relacionado co ser galego.
 Ao acto acudiron Pilar Teijeiro, coordinadora dos Equipos de EDL de Lugo, Claudio Vázquez, Tenente de Alcalde de Becerreá, a Comisión organizadora do Premio, a comunidade educativa, veciños da comarca e diferentes medios de comunicación, que se fixeron eco da noticia ese mesmo día.
Oliver Laxe puxo en valor o enraizamento que os habitantes da comarca dos Ancares posúen, unha fortuna que de seguro non somos conscientes, e que é incalculable dado a falta de referentes e valores na sociedade actual. Para Oliver a xente da montaña mestura dureza e dulzura, xente traballadora, que ten o esforzo e o traballo inoculado. Aconsellou ao alumnado a que escollan o “camín difícil”, xa que segundo Laxe, os mellores froitos dunha árbore están no lugar de maior dificultade, e unha vez chegas a eles a vista dende arriba é abraiante. O cineasta síntese nunha cruzada na que nos espera “no camín do futuro”, para Oliver Os Ancares son un paraíso ao que hai que voltar, xa que nel se atópa o futuro, co que temos un compromiso de vida.


 VÍDEO DO ACTO



VI PREMIO DO IES BECERREÁ NA TVE




O artesán local Inazio Abrao, foi o encargado de realizar esta "Rebola" construida con  madeira de castiñeiro. Inazio Abrao utiliza para as súas obras madeiras e materiais locais.






Foron moitas as persoas implicadas neste premio tan especial, o alumnado de Lingua Galega do IES de Becerreá participou neste acto, recitando a coro poemas de Toño Núñez, escritor nado en Navia de Suarna. O alumnado da "Escola de Prensa O Progreso" non quixo perder a oportunidade de entrevistar a Laxe, quen en todo momento se amosou cercano, entrañable, encantado de falar cos rapaces, e incluso de facerse fotos con eles.

Alumnado de Lingua Galega recitando.
Jose Lexo e Tamara Simón entrevistando a Oliver.

  










PREME AQUÍ PARA VER COMO SE RECOLLEU A ENTREGA DO PREMIO NA PRENSA


GRAZAS A OLIVER LAXE POLO SEU COMPROMISO COA LINGUA E A COMARCA, E POLA SÚA PRESENZA NO NOSO CENTRO



mércores, 12 de xuño de 2019

O IES de Becerreá premiado na Terceira edición da "Escola de Prensa O Progreso"

O alumnado de 4º da ESO do IES de Becerreá acadou o terceiro posto deste concurso de xornalismo

Alumnado de 4º da ESO participante na "Escola de Prensa O Progreso".


Por terceiro ano consecutivo o alumnado participante na Escola de Prensa do Progreso triunfa acadando catro premios,  concedidos ao mellor reportaxe fotográfico, mellor artigo de información, mellor reportaxe e a mellor entrevista. Os premiados acudirán á redacción do Progreso para recoller os trofeos o vindeiro martes 18 ás 18:00 horas.
Utilizar a nosa lingua, o galego no ámbito xornalístico é sen dúbida o obxectivo principal deste proxeto. Achegar a figura do xornalista ao ámbito educativo e, máis concretamente, ás aulas, analizando a súa función social e as dificultades e retos do seu traballo, forma parte da aprendizaxe do alumnado da escola de prensa. Coñecer os diferentes estilos xornalísticos, mellorar a capacidade de comprensión das mensaxes da linguaxe xornalística, analizando a función dos diferentes recursos utilizados nos mesmos, ou desenvolver no alumnado a capacidade crítica con respecto ás mensaxes dos medios de comunicación, para que aprenda a contrastar as informacións e opinións vertidas nos mesmos, son varios dos obxectivos deste proxecto. 
O enfoque do noso xornal  “O Progreso dos Ancares", sería facer artigos que nos axuden a coñecer mellor a actualidade da nosa contorna, así como o seu estado de cousas, sinalando as vantaxes específicas do xornal en relación con outros medios de comunicación. 
Para o profesorado é un recurso didáctico que proporciona un contexto de actualidade á tarefa educativa, aportando pautas para "ensinar a aprender", e achegarse ás novas tecnoloxías tanto na procura de información, coma na utilización de programas de maquetación.
O cambio climático, a violencia no deporte, o edificio do Concello de Becerreá, etc,  foron algúns dos temas escollidos polo alumnado, que fixo uso de distintos estilos xornalísticos coma reportaxe, opinión, información, reportaxe grafico, crónica e entrevista.

PARABÉNS PARA OS PARTICIPANTES 

martes, 21 de maio de 2019



LEMBRANDO A ANTÓN FRAGUAS


Exposición Antón Fraguas IES de Becerreá.


A semana conmemorativa dedicada a Antón Fraguas no IES de Becerrá, transcurreu con actividades relacionadas coa vida e obra do autor, desenvoltas dende distintas materias ao longo de varias xornadas. A exposición sobre o autor, realizada no centro, permaneceu no vestíbulo durante varios días, próximos ao Día das Letras Galegas.



Alumnado de 4º da ESO traballando
en actividades de Antón Fraguas.
Alumnado de 3º da ESO traballando
en actividades de AntónFraguas.
     




















luns, 13 de maio de 2019




A escritora galega Marica Campo, visita o IES de Becerreá

Marica Campo no Salón de Actos do IES de Becerreá

O luns, 13 de maio, visitou o IES de Becerreá a escritora galega Marica Campo. Alumnado de 5º e 6º de Primaria do Colexio de Becerreá, e o propio alumnado do centro, asistiron a esta cita na que a escritora amosou aos asistentes, que a lectura e a literatura coma arte, ábrennos a porta a viaxar a lugares descoñecidos, imaxinar, coñecer e, segundo Marica lle comentou aos rapaces "fainos máis listos, un bo truco para ser máis lonxevos". A evolución do ser humano a través da linguaxe e a comunicación foi o fío conductor desta charla, un percorrido pola evolución da humanidade, que levou a Marica a falar da figura do escritor como creador e coma xuíz, como a escritora apuntou,"quen escribe, pode asistir á xustiza poética". Para rematar, a escritora falounos da súa obra e respondeu as preguntas dos asistentes, que quedaron encantados, e que puideron darlle a Marica os seus libros para asinar.


Sinatura de libros.

Asistentess da charla fotografiados con Marica Campo.

Marica Campo na charla.
   
            Marica Campo na charla.


AQUÍ podes ver algunha foto máis do acto.


GRAZAS A MARICA CAMPO POLA SÚA VISITA.






mércores, 8 de maio de 2019


O Alumnado de 4ª da ESO participou no Correlingua 2019



Alumnado de 4ª da ESO asistente ao Correlingua 2019
Como cada ano, o alumnado do IES de Becerreá, concretamente o de 4º da ESO, sumouse a esta carreira pola lingua, en defensa do galego, baixo o lema "O GALEGO É A FÓRMULA". A xornada, que transcurreu acopañada de vento e choiva, non causou o desánimo dos participantes, que percorreron a Muralla de Lugo, entre risas, cancións, e animadas charlas. A chegada á praza da Catedral, estivo marcada pola defensa da lingua coa lectura do  Manifesto. Para rematar  alumnado de primaria interpretou un RAP, e os participantes puideron disfrutar dun concerto do Monoulious DOP,  

Alumnado de 4º da ESO cos Monoulious DOP
O alumnado de Becerreá ademais dos agasallos correspondentes, recibiu o diploma, que foi recollido por Lexo e Paula.

Lexo e Paula na entrega de Diplomas.

martes, 12 de marzo de 2019



NO IES DE BECERREÁ CELEBRAMOS O DÍA DA MULLER COA COLABORACIÓN DA AGRUPACIÓN MUSICAL FEMININA "SON DE CORES"  

 

Actuación agrupación musical Son de Cores.

                        
Este martes 12 de marzo, no Salón de actos do centro, conmemoramos o Día da muller. O acto comenzou coa emotiva actuación do alumnado de Afondamento en Lingua Galega de 1º de BAC, na que se citaban frases  de  personalidades célebres de diferentes ambitos, nas que se reividicaba a igualdade entre mulleres e homes. Pero sen dúbida, o que foi un verdadeiro agasallo, foi a actuación da agrupación feminina "Son de Cores", integrada por mulleres veciñas da comarca, que tiveron a xenerosidade de actuar para para nós. Esta agrupación ten o compromiso de erradicar todos os aspectos sexistas da literatura utilizada no folclore, ademáis de ponderar a figura da muller e a música do País. Maruxa , integrante do grupo explicou a todos os asistentes, o cambio que o papel da muller na vida do rural experimentou co paso do tempo, e afondou na idea de que aínda hai moitas cousas que cambiar. Sen dúbida foi un pracer poder compartir con elas este día tan especial para todas.
Para rematar todas as alumnas, profesoras, e integrantas de "Son de Cores" cantaron xuntas a cantiga difundida nas redes "Vai tú, vai ela". 

PREME PARA VER O VÍDEO DO ACTO


Alumnado de Afondamento en Lingua Galega, na súa actuación.

                             

Todas as participantes cantado xuntas polo feminismo.


                                                                             
Exposición  Mulleres Galegas realizada no IES de Becerreá.