RECITADO POÉTICO DO ALUMNADO DE 3º DA ESO DE LINGUA GALEGA, PARA CONMEMORAR O DÍA DA PAZ
“Non hai camiño para a paz: a paz é o camiño"
![](https://blogger.googleusercontent.com/img/b/R29vZ2xl/AVvXsEhkjVPSzxO85ksj4wH_npRa1nT3dhXgqy-qJRSebAIG11iqGCEW3u0Yfewf2k49iFUe7H-8OhCPdcLWojbTqbB2a0RpEdgerGzgSKMG0ZCwYAXeX3L_tSKbehdcwB6cVgIZ1UjmPGd6sl8xPfrbVTdH69ZIsh8-iBREieFYdG7vI1BD2xP7Jr8zaKjtOalJ/w640-h480/IMG_9426.jpg) |
O 30 de xaneiro celébrase este día, dedicado a conmemorar nos centros educativos unha cultura de non violencia e paz. A educación en e para a tolerancia, a solidariedade, a concordia, o respecto aos Dereitos Humanos, a non violencia e a paz son motivos para lembrar o 30 de xaneiro.
No Día da Paz, os centros educativos comprométense como defensores da Paz e entendemento entre persoas de distinta procedencia e modos de pensar. Nese día celébrase o aniversario da morte do Gandhi, líder pacifista que defendeu e promoveu a non violencia e a resistencia pacífica fronte á inxustiza. Foi asasinado por defender estas ideas. O Día da Paz, pola súa temática xeral de non violencia, resolución de conflitos e convivencia, ocupa un lugar fundamental na educación de todos e todas.
Desde fai catro anos o departamento de lingua galega inspirado pola lírica trobadoresca medieval, na que a nosa lingua viviu unha etapa de esplendor, colabora coa celebración do Día da Paz cun recitado literario.
O alumnado ten que escribir cantigas, aínda que a temática non é o lamento pola ausencia do amado, a alegría polo reencontro, ou a paixón, senón a PAZ.
As cantigas compostas polo alumnado de 3º da ESO seguen tanto os recursos formais das mesmas, tales coma o paralelismo, leixaprén ou o refrán, como a temática pacifista.
Todo o alumnado de 3º da ESO participou no concurso de cantigas organizado polo centro, no que resultaron premiados/as: Lucía Freijo, cristina Fernández e David González.
PREME AQUÍ PARA VER O VÍDEO
|
![](https://blogger.googleusercontent.com/img/b/R29vZ2xl/AVvXsEj2c-dAwYaMUlROkIV61yCrWNT0MEmjWn7-QQLvUV0iXv11X7KwTYJHHq68JCexexmRX5nQpCi_-zQkNDq0vzpJ7ZEDO-A9pTUie4YZOfvaAGLDtoCDoxAbNe9Q_OFQa_9x1aK5sPNGEeow96QtsjLSPTCqCvmucMKzLDZPdX7UINJ8t65xi65Uwdcr9ViJ/s320/IMG_9444.jpg)
![](https://blogger.googleusercontent.com/img/b/R29vZ2xl/AVvXsEgluqCSzdxXwuQjue_vq7L59OQ6Qkt1RQnZateBpfZ3ovoL3fdZxJbSs-SRJ81udckf9f1L7T8orSq_ASTY_MWztD9i2tXk-FxQ7zEjqCCib36E-c5bD_D7AdjL8xNMz1cXCj3lvLL-dEnM9-w1_c63OQIMh8ebJnj-Hvpv6NackHxrqpD0qhFhwvTzwf1v/s320/IMG_9445.jpg)
![](https://blogger.googleusercontent.com/img/b/R29vZ2xl/AVvXsEjajiglFGpFi7-De5QhSQaevIHCEFm0dWbIdibp8FAf2i0I9p3MAI34f48P90QY1OovKEDvqWQE7oiZE_TAhyphenhyphenUXChdA5EYPwXM6VJCiTUyQn1n7aUA9KWSeS5yqOoX7-5ognhJ2fAC6CbSd7kXUYy-YdVsQ9tHYgK9SjVRUAts6363CEm0R5lLOAbQNZvnI/s320/IMG_9447.jpg)
![](https://blogger.googleusercontent.com/img/b/R29vZ2xl/AVvXsEgjaAv_yx-zBwCDKKFYwJSPwY9pFE21AoGFQCtR1OOrEOfYAxVGvF8Fi1vFp9i1JdtWGCSRqLwjVcG-mZWV1PfXzLAAPAENJcmc9tBOsd9gieBty3PT3OLjELejBW3lLNyR477LPHSa1cPWdjGzoZv4Vofv2dy2Fpiyo0fwBiSPrCO2EdlLhE275N04Jhmx/s320/IMG_9429.jpg)
Ningún comentario:
Publicar un comentario