AS PALABRAS FAVORITAS NA NOSA LINGUA MATERNA
Seguindo a estela dos últimos anos, no marco das actividades promovidas polo Equipo de Dinamización da Lingua Galega, preguntamos ao alumnado cal era a súa palabra preferida. No noso centro temos a enorme vantaxe de contar con rapaces e rapazas de diferentes procedencias, feito que, sen dúbida, aporta unha riqueza cultural considerable. Entre o alumnado de 4º da ESO, 1º e 2º de BAC, realizouse este vídeo onde quedan reflectidas as súas palabras favoritas en cadansúa lingua. Como non, o galego ocupa un lugar destacado no noso contexto e pódese observar nos particulares aportes dos nosos alumnos: algunhas son palabras cheas de sonoridade, outras evocan momentos da súa infancia, outras teñen particularidades léxicas e semánticas que non se atopan en ningún outro lugar. Desde o centro queremos dar visibilidade á diversidade lingüística da nosa contorna e poñer de relevo os rasgos distintivos da nosa lingua.
Agardamos que vos guste!
Ningún comentario:
Publicar un comentario